Rah e Khuda Ki Mannat Wali Raqam Khandan Ki Kisi Larki Ko Dena

   میں نے نیت کی تھی کہ میرا فلاں کام ہو جائے تو میں اتنی رقم راہ خدا میں دوں گا،الحمد للہ میرا کام ہو گیا ہے، میں یہ پوچھنا چاہتا ہوں کہ ہمارے خاندان میں ایک لڑکی کی شادی ہے تو یہ رقم اس کو دے سکتا ہوں؟؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   اگر  توفقط نیت کی تھی ،زبان سے   الفاظ اداہی نہیں کیے یازبان سے الفاظ اداکیے لیکن  اتنی آوازمیں الفاظ ادانہیں کیے کہ شوروغل وغیرہ نہ ہونے کی صورت میں اپنے کانوں تک آوازپہنچ جاتی،تب  تویہ منت ہی نہیں ہوئی ،آپ پراس نیت پرعمل کرناضروری نہیں لیکن بہترہے توایسی صورت میں لڑکی اگرمستحق زکوۃ نہیں بھی ہے، تب بھی اس کی مددکی جاسکتی ہے اوربہترہے کہ اگرمستحق زکوۃ ہوتواسے دیں ورنہ کسی اورمستحق زکوۃ کودے دیں۔اوراگراتنی آوازسے یہ الفاظ اداکیے تھے کہ اگرشوروغیرہ مانع سماعت کوئی چیزنہ ہوتوآوازکانوں تک پہنچ سکے توایسی صورت میں یہ منت شرعی ہے ،جس کاپوراکرنالازم ہے اوراب اگریہ لڑکی مستحق زکوۃ ہے تواسے دے سکتے ہیں ورنہ کسی اورمستحق زکوۃ کویہ رقم دینی ہوگی ۔

   نوٹ:

   مستحق  زکوۃ سے مرادشرعی فقیرہے یعنی جس کے پاس حاجت اورقرض سے زائد ساڑھے باون تولے چاندی یااس کی رقم کے برابرکوئی مال،جائیداد،سامان وغیرہ نہیں اور وہ ہاشمی بھی نہیں)تو یہ  رقم اس کو دے سکتے ہیں۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم