Khatne Ki Ibtida Kab Se Hui Hai ?

ختنےکی ابتداء کب سے ہے ؟

مجیب: مولانا محمد انس رضا عطاری مدنی

فتوی نمبر:WAT-2321

تاریخ اجراء: 19جمادی الاول1445 ھ/04دسمبر2023   ء

دارالافتاء اہلسنت

(دعوت اسلامی)

سوال

   ختنہ کا جو رواج ہے یہ سید عالم صلی اللہ تعالی علیہ وآلہ وسلم کے زمانہ مبارکہ سے ہے یا حضرت آدم علیہ السلام کے زمانہ مبارکہ سے یہ رواج ہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

      ختنہ کا رواج حضرت ابراہیم علیہ الصلوۃ و السلام کے زمانہ مبارکہ سے ہے،سب سے پہلے آپ علیہ الصلوۃ والسلام ہی نے ختنہ کیاہے۔ مرقاۃ شرح مشکاۃ میں ہے”الختان …وهي من سنة الأنبياء كما سبق من لدن إبراهيم عليه الصلاة والسلام إلى زمن نبينا محمد صلى الله تعالى عليه وسلم“ ترجمہ:ختنہ، اور یہ حضرت ابراہیم علیہ الصلاۃ والسلام کے زمانہ  مبارکہ سے ہمارے نبی حضرت محمد مصطفی صلی اللہ تعالی علیہ وآلہ وسلم کے زمانہ مبارکہ تک سنت انبیاء رہا ۔ علیہم الصلوۃ والسلام۔(مرقاۃ المفاتیح، ج1، ص399،  دار الفكر، بيروت)

   تفسیر خازن میں ہے” وأول من ختن إبراهيم عليه السلام ولم يختتن أحد قبله“ترجمہ:سب سے پہلے حضرت ابراہیم علیہ السلام نے ختنہ کیا ،آپ سے پہلے کسی نے ختنہ نہیں کیا ۔(تفسیر خازن،ج 1،ص 76،دار الكتب العلمية ، بيروت)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم