Namaz Me Pant Ko Andar Ki Taraf Fold Karna Kaisa ?

نماز میں کپڑے کو اندر کی طرف فولڈ کرنا کیسا؟

مجیب: ابو مصطفیٰ ماجد رضا عطاری مدنی

فتوی نمبر: Web-124

تاریخ اجراء: 08رجب المرجب1443 ھ /10 فروری2022ء

دارالافتاء اہلسنت

(دعوت اسلامی)

سوال

کیا فرماتے ہیں علمائے دین و مفتیان شرع متین اس مسئلے کے بارےمیں کہ نماز میں پائنچے کو اندر کی طرف فولڈ کرنا بھی مکروہ ہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

نمازمیں پائنچے کو اندر کی طرف فولڈ کرنا بھی کف ثوب ہے اور اسی حالت میں نمازپڑھی تو نماز مکروہ تحریمی ہے اور اس کو دوبارہ پڑھناواجب ہے ۔

فتاوی خلیلیہ میں ہے :’’شلوار کو اوپر اڑس لینا یااس کے پائنچہ کونیچے سے لوٹ لینا یہ دونوں صورتیں کف ثوب ۔۔۔اور نماز اس حالت میں اداکرنا مکروہ تحریمی واجب الاعادہ کہ دہرانا واجب۔۔۔اور اصل اس باب میں کپڑے کا خلاف معتاد استعمال ہے (ملتقطا)‘‘۔(فتاوی خلیلیہ ،جلد:1،صفحہ :246،مطبوعہ ضیاء القرآن)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم