Sana Bhool Kar Ta'awwuz o Tasmiyah Parh Li Tu Ab Sana Parh Sakte Hain Ya Nahi ?

ثنا بھول کر تعوذ و تسمیہ پڑھ لی، تو اب ثنا پڑھ سکتے ہیں یا نہیں ؟

مجیب: مولانا فرحان احمد عطاری مدنی

فتوی نمبر:Web-1256

تاریخ اجراء: 04جمادی الثانی1445 ھ/18دسمبر2023 ء

دارالافتاء اہلسنت

(دعوت اسلامی)

سوال

نماز شروع کرتے ہوئے ثنا پڑھنے کے بجائے بھولے سے تعوذ و تسمیہ پڑھ لی، تو کیا اب ثنا پڑھ سکتے ہیں یا نہیں؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

نماز میں ثناء،تعوذ و تسمیہ پڑھنا سنت ہے،اورثناء کوتعوذوتسمیہ سے پہلے پڑھنے کا حکم ہے ، اگرثناءپڑھنا بھول گیااور پہلے تعوذوتسمیہ پڑھ لی تو اب ثناء نہ پڑھے ، سجدہ سہوکیے بغیرہی نمازاداہوجائے گی ۔

صدرالشریعہ بدرالطریقہ مفتی امجدعلی اعظمی رحمۃ اللہ علیہ لکھتے ہیں:”اگر ثناء پڑھنا بھول گیااور تعوذ شروع کر دیاتو ثناء کا اعادہ نہیں۔“(بہارشریعت،جلد1،صفحہ524،مکتبۃ المدینہ، کراچی )

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم