Hazrat Adam Par Sahifah Nazil Hua

حضرت آدم علیہ السلام پرصحیفہ نازل ہوا

مجیب: مولانا محمد ماجد رضا عطاری مدنی

فتوی نمبر: Web-1039

تاریخ اجراء: 03محرم الحرام1445 ھ/22جولائی2023   ء

دارالافتاء اہلسنت

(دعوت اسلامی)

سوال

   کہا جاتا ہے کہ  حضرت آدم علیہ السلام پربھی صحیفہ نازل ہوا ۔ کیا یہ بات درست ہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   حضرت آدم علیہ السلام پر د س صحائف نازل ہوئے جن کاتذکرہ روایات میں موجود ہے۔ ان کا نام کیا تھا اور ان میں کیا مضمون تھا اس کے متعلق کوئی مستند روایت ہماری نظروں سے نہیں گزری۔

   تفسیر کبیر میں ہے:’’ روي عن أبي ذر أنه سأل رسول الله صلى الله عليه وسلم‌كم‌أنزل‌الله من كتاب؟ فقال: مائة وأربعة كتب، على آدم عشر صحف وعلى شيث خمسين صحيفة وعلى إدريس ثلاثين صحيفة وعلى إبراهيم عشر صحائف والتوراة والإنجيل والزبور والفرقان۔ ‘‘یعنی حضرت ابو ذر رضی اللہ عنہ سے روایت ہے کہ انہوں رسول اللہ صلی اللہ تعالی علیہ وسلم سے سوال کیا کہ اللہ تعالی نے کتنی کتابیں نازل فرمائیں؟  تو آپ صلی اللہ تعالی علیہ وسلم نے ارشادفرمایا:  ’’سو(صحائف) اور چار کتابیں ‘‘ حضرت آدم پر دس صحائف ،حضرت شیث پر پچاس ،حضرت ادریس پر تیس ،حضرت ابراہیم پر دس صحائف اور تورات، انجیل،  زبور اور قرآن۔ علیہم السلام۔(تفسیر کبیر،جلد:19،صفحہ:137،مطبوعہ :بیروت)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم