Kutta Kuan Me Gira Aur Zinda Nikla Tu Pani Pak Hoga Ya Napak

کتا کنوئیں میں گرا اور زندہ  نکال لیاگیا تو پانی کا حکم

مجیب: مولانا ذاکر حسین عطاری مدنی

فتوی نمبر: WAT-643

تاریخ اجراء: 10شعبان المعظم 1443ھ/14مارچ 2022ء

دارالافتاء اہلسنت

(دعوت اسلامی)

سوال

     ہمارےگھرکےکنویں میں غالباًرات کےوقت ایک کتاگرگیا،جسےہم نےصبح کےوقت نکالا،کتازندہ تھا،اوراس کےجسم پرکوئی زخم وغیرہ بھی نہیں،تھا،کنویں میں پانی بہت اوپرتک ہے،اس صورت میں کیاحکم ہے؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   پوچھی گئی صورت میں اگرکتےکےبدن پرنجاست کاہونایقینی طورپرمعلوم تھا،یانجاست کاہوناتویقینی طورپرمعلوم نہ تھا،لیکن کتےکامنہ پانی میں پڑاتھا،تواس صورت میں کل پانی نکالاجائےگاکہ کتےکالعاب (تھوک) ناپاک ہے، اور اگرکتےکامنہ پانی میں نہیں پڑااوراس کے جسم پرنجاست کاہونابھی یقینی طورپرمعلوم نہیں تھا،تواس صورت میں وہ پانی پاک ہے،البتہ بہتریہ ہےکہ بیس ڈول نکال لیےجائیں۔

   کنویں میں گرنے والے جانورکے متعلق تفصیل یہ ہے :

   سورکےعلاوہ اگرکوئی اورجانورکوئیں میں گرجائے،اورزندہ نکال لیاجائے،تواگراس کےجسم پرنجاست کاہونایقینی طورپرمعلوم نہ ہو،اور اس کامنہ بھی پانی میں نہ پڑاہو،تواس صورت میں وہ پانی پہلے کی طرح پاک ہےاورپاک کرنے والاہے،اوراس کااستعمال جائزہے،مگراحیتاطاً بیس ڈول نکال دینابہترہے۔

اوراگراس کےبدن پرنجاست کاہونایقینی طورپرمعلوم ہو تواس صورت میں کل پانی نکالاجائےگااوراگراس کامنہ پانی میں پڑاتواس کے جوٹھے اورلعاب (تھوک)کاجوحکم ہوتاہے، وہی پانی کاحکم ہوگا،اور اگر جوٹھاناپاک ہے یا مشکوک ہےتو کل پانی نکالا جائے اور اگر مکروہ ہے تو چوہے وغیرہ میں بیس( 20) ڈول، مرغی چھوٹی ہوئی میں چالیس(40) ڈول نکالے جائیں ۔اوراگرجوٹھاپاک ہےاورمشکوک ومکروہ بھی نہیں تواس میں بھی بیس ڈول نکالنابہترہے۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم