Kya 80 Saal Ke Ghair Mehram Borhe Mard Se Bhi Parda Karna Hoga ?

کیا اسی(80)سال کے غیر محرم بوڑھے مرد سے بھی پردہ کرنا ہوگا ؟

مجیب: فرحان احمد عطاری مدنی

فتوی نمبر:Web-798

تاریخ اجراء:17جماد  ی الاوّل1444 ھ  /12دسمبر2022 ء

دارالافتاء اہلسنت

(دعوت اسلامی)

سوال

   جس مرد کی عمر اسی (80) سال سے زیادہ ہو، کیا عورت پراس عمر کےغیر محرم  مرد سے بھی پردہ فرض ہوگا ؟

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

   جی ہاں !اسی (80)سال کے غیر محرم مرد سے بھی پردہ کرناعورت پر فرض ہوگا اور بے پردہ یعنی جن اعضاء کو چھپانا ضروری ہے انہیں چھپائے بغیر کسی بھی اجنبی مرد کے سامنے جانا ، ناجائز و حرام ہے، چاہے وہ جوان ہو یا بوڑھا۔

   امامِ اہلِ سنّت الشاہ امام احمد رضاخان رحمۃُ اللہِ علیہ فرماتے ہیں : ”بے پردہ بایں معنی کہ جن اعضاء کا چھپانا فرض ہے ان میں سے کچھ کھلا ہو جیسے سر کے بالوں کا کچھ حصہ یا گلے یا  کلائی یا پیٹ یا پنڈلی کا کوئی جز تو اس طور پر تو عورت کو غیر محرم کے سامنے جانا مطلقاً حرام ہے خواہ وہ پیر ہو یا عالم یا عامی۔ جوان ہو ، یا بوڑھا۔“(فتاویٰ رضویہ ،جلد22،صفحہ240، رضا فاؤنڈیشن، لاھور)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم