مجیب:مولانا فرحان احمد عطاری مدنی
فتوی نمبر:Web-1695
تاریخ اجراء:24رمضان المبارک1445 ھ/04اپریل2024 ء
دارالافتاء اہلسنت
(دعوت اسلامی)
سوال
رمضان میں روزہ رکھا ہو اور اٹلی
سے دن کے ساڑھے تین بجے بذریعہ فلائٹ دبئی جانا ہو جو دبئی میں رات کو ساڑھے دس یا
گیارہ بجے پہنچے گی ، تو روزہ کس ٹائم پر کھولیں گےکیا
فلائٹ سے اترنے کے بعد روزہ کھولنا ہوگا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
ایسا نہیں ہے
کہ دس گیارہ بجے جب آپ اتریں
گے تب ہی روزہ کھولنا ہوگا ، بلکہ
حکم یہ ہے کہ ہوائی جہاز میں جہاں سورج غروب ہو وہاں افطار کرسکتے ہیں، آپ فضا میں
ہوں اور سامنے سورج نظر آرہا ہو تو جب تک
سورج غروب نہ ہوجائے تب تک افطار
نہیں کر سکتے ، جب سورج غروب ہوجائے،
تو اس وقت روزہ افطار کریں ۔
فتاوی فقیہ
ملت میں ہے :”سورج ڈوبنے کا اعتبار اسی جگہ کا ہوگا جہاں روزہ دار ہے
،تو جب ہوائی جہاز سے سفر کرنے والے کو سورج نظر آرہا ہے تو شہر کے برابر
جہاز پہنچنے پر اس شہر کے وقت کے اعتبار سے افطار کرنا ہرگز جائز نہیں کہ اس
کے حق میں ابھی سورج ڈوبا ہی نہیں ، لہٰذا اس پر
لازم ہے کہ جب اوپر کے اعتبار سے سورج ڈوبنے کا اسے یقین ہوجائے تب
افطار کرے۔“(فتاوی فقیہ ملت، جلد1، صفحہ
341،شبیربرادرز لاہور)
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم
اگر رَمضان کے روزے چھوٹ جائیں تو انہیں کسی بھی وقت رکھ سکتے ہیں
قضائے رمضان کے روزےکسی بھی موسم میں رکھ سکتےہیں؟
کیا تیس روزوں کا فدیہ ایک ساتھ ایک ہی فقیر کو دے سکتے ہیں؟
کن صورتوں میں روزہ توڑنے پر کفارہ لازم آتا ہے؟
کیا امتحانات کی وجہ سے طلبہ کا رمضان کےروزے قضا کرنا جائز ہے؟
سفر میں روزے کا حکم
سحری اور روزہ
کیا انجیکشن لگوانے سے روزہ ٹوٹ جاتا ہے؟